اسألكم بالله , وش رايكم بدعايات شركة الاتصالات السعوديه الاخيره؟ حاولت اطلع منها معنى ما قدرت. لو انهم حاطين "معا في الإحتيال" كان عطوها معنى واحد على الاقل , بس وش دخل "معا في البناء" و "معا في الطاعات" , وش الفكره اللي بيوصلونها يعني؟
شركة الاتصالات السعوديه اقذر و انجس و اوقح شركه مرت علي. استغلوا احتكارهم للسوق برفع الاسعار و سوء الخدمه , و يوم قربت تدخل "موبايلي" بدت تحسن من مستواها و تنزل الاسعار و الخدمات الجديده ... بس بعد ايش !!!
لو تلاحظون ترا اغلب عروضها و تخفيضاتها تمت قبل و بعد دخول موبايلي السوق. مثل فئات سوا , و تخفيض المكالمات الدوليه (كرد فعل على تخفيض موبايلي) , يعني ما يسوون شي لله , كل الحركات هذي بسبب موبايلي , و الدليل ان ما شفنا شي يبيض الوجه بالهاتف الثابت.
و على طاري الثابت , شوفوا كيف مضحكين الدول الثانيه علينا و مخليننا ندفع 3 ريال بالدقيقه للاتصال العادي و 120 ريال بالشهر للدي اس ال. و بعد كم شهر اذا دخلت شركة هاتف ثابت ثانيه بتشوفون العروض و التخفيضات (و الدعايات الخايسه) من الاتصالات السعوديه , وتذكروا كلامي.
شركة الاتصالات السعوديه تحاول تلعب على وتر الوطنيه. الوطنيه يا شركة الاتصالات ما تعني شي , الدعايات مب فايدتنا , نبي افعال.
متى يسمحون باني انقل رقم جوالي لموبايلي , راح اصير اول واحد ينقل لهم. و بعدين بنقل الهاتف الثابت للشركة الجديده , بعدين اطلع من سعودي نت و بكذا يكون ما يدخل ولا ريال من جيبي لدعم شركة الاتصالات الاحتياليه...
سلام