"العرب يتلاعبون" !! نقل الدومين من موقع عربي الى اجنبي

[shadow]

السلام عليكم ورحمة الله وبركاته

لدي دومين محجوز من موقع عربي او ما يسمونه شركة ... كلاً له مسماه

الدومين قرب ينتهي ولازم اجدد خلال اقل من شهر
فقلت بلاش العرب وخلنا مع الثقات لاني صادفت مشاكل كثيره ولاني مستعد لمواجهة مشاكل اخرى

godaddy ليس مدح بهم لكن قررت انقل لهم وبحكم ان الانتقال احصل على سنه مجاناً قلت يلا عصفورين بحجر

دخلت وسويت عملية النقل ووصلت الايميلات والسيكيورتي كود و آي دي نمبر .. كل شي تمام

في اخر خطوه موقع godaddy طلب كود التصريح واللي هو المفروض يوصل من الشركة العربية

انتظرت .. انتظرت .. ماوصل شي

وبكل أدب واحترام قمت بفتح تذكرة عند العربية :: شكراً على جهودهم وشكراً على الفترة الماضية واعطيتهم الرسالة التي وصلتني من godaddy ...

انتظر رد على التذكره مافي !!
يوم ثاني بعد مافي !!

قلت التمس لأخيك المسلم 70 عذراً يمكن نظام التذاكر فيه مشكله مع ان التذاكره مفتوحة والى الآن

قمت وارسلت لهم ايميل من نموذج المراسله الخاص بهم وحطيت فيه رقم التذكره

ولا رد !!

برأيكم هل يوجد حل لنقل الدومين من الشركة العربية الى الشركة الاجنبيه
مثل ماهو موجود في باقي الشركات التنقل من حرية صاحب الدومين
ومثل ما ان الشركة العربية ترغب بأن ننقل دوميناتنا لهم

اخوكم

[Register Net]

أولا هناك مليار عربي و لما تقول "العرب يتلاعبون" يعني اغتبت مليار و عليك الحساب

ثانيا اذا شركات التسجيل بالعالم عندهم هذه المشكله بسبب النظام الجديد لدومينات com و net
يعني التأخير شي عادي

ثالثا انقل للمكان اللي يريحك بس تكفي يعني بسكم "عرب عرب عرب" كأن ماكو نصابين إلا العرب

[shadow]

زين شفيك زعلان ومعصب... هدي اعصابك واذكر الله

أولا هناك مليار عربي و لما تقول "العرب يتلاعبون" يعني اغتبت مليار و عليك الحساب

انا ما قلت كل العرب المليار مافيهم الزين بالعكس ياكثر الطيبين منهم لكن مع الاسف فئة قليلة لا بارك الله فيهم خربو الاكو والماكو
واذا كنت انت فهمت اني اقصد عموم العرب فأنا اعتذر يمكن استعجال من قهر فيني
*****************
العرب وخاصة المسلمين منهم "هذي الفئة اللي انا اقصدها"
اذا شفتهم من برا يقولون الاسلام ومن داخل تحصل النصب واللعب والغش
ياخي والله تنقهر اليهود يكون عندهم ذمه وضمير في التعامل والعرب المسلمين لاء !! ليش مو قهر ؟
طبعاً ما اقصد كل العرب قلت لك النصابين او اللي يتخاذلون او من يتزين بزي الاسلام

ثانيا اذا شركات التسجيل بالعالم عندهم هذه المشكله بسبب النظام الجديد لدومينات com و net
يعني التأخير شي عادي

والله يخوي انا على قد نياتي ما افهم في هذي الامور كل الي حبيت اسويه اني انقل دوميني من شركة الى اخرى وسويت كل الاجراءات المطلوبه طيب في هالحاله شسوي ؟
قلت مالي الا مستشاريني الكبار في عالم الدومينات رواد سوالف سوفت مثلك وشرواك

ثالثا انقل للمكان اللي يريحك بس تكفي يعني بسكم "عرب عرب عرب" كأن ماكو نصابين إلا العرب

اموت ولا اسمع واحد يكلمني على اني كل الناس :shy:
لو بحثت عن كل مشاركاتي ما تحصل اني مره بحياتي قلت "عرب" وقصدي فيها ان العرب نصابين

"يمكن قرادة حظي انا اكثر واحد بسوالف تعرض لعمليات نصب من شركات ليست اجنبيه << عشان تهدي اعصابك بس :shy:
مو عيب فيني لا والله بس ثقه ودعم للشركات المحلية

***************************

مره ثانية اقول لك هدي اعصابك ووسع صدرك عشان صحتك وعشان عملاءك :nice:

***************************

شكلها مالها حل..
الشركة العربية اللي انا حاجز منهم يقولون مافي كود !! وقودادي يقولون ماننقل الا بكود !!

[Domain]

النطاق مسجل وين يعني وش الشركه الأساسيه اللي الشركه العربيه ماخذه منها وثاني شي لوحة التحكم للنطاق هل هي معك والا معهم بغض النظر اذا النطاق مسجل بإيميلك أو ايميلهم