السلام عليكم ورحمه الله وبركاته
ترددت كثير قبل لا اكتب هالموضوع بس يمكن القى الحل هنا
انا شاب عادي مثل باقى الشباب سني 21 سنه من اسره ميسره الحال الى حد ما لا غني ولا فقير الحمد لله
طلباتي كلها مجابه بس عايــش لوحدي بسبب التفكك الاسري المعروف طبعا (اب بناحيه -- الوالده الله يخليها ويشفيها بمكان اخر)
فشلت فى التعليم مع اني ذكي الحمد لله فى الاعداديه كنت من الطلبه المتفوقين بس التفكك كان تأثيره عليا شديد فى الثانويه العامه لدرجه اني 5 سنين ثانويه عامه وانفصلت من المدرسه
عندي موهبه التصميم وعملت مع اكبر الشركات بالتصميم طبعا عن طريق الانترنت
تم عرض عروض عمل ليا بالسعوديه وبالامارات ايضا فى مجال التصميم بس بصراحه خفت اني اسافر مش عارف ليه
اصحابي معظمهم بيكلموني يمكن عشان محتاجين مني شىء لا اكثر ولا اقل بأستثناء صديقين او ثلاثه الى يحبوني
اصحابي الى كنت متفوق عنهم فى كليات كبيره ما شاء الله ,, الله يوفقهمــ يارب ويوفق الجميع ان شاء الله
ما اكدب عليكم انا مسلم وعمري بحياتي ما صليت ولما جربت اصلى كنت بسرح وبفكر وانا بصلى فى كثير قالو لى صلى بترتاح بس ما ارتحت وحاولت اني افضل اصلى بس مش عارف ساعات اكسل ساعات اقول كمان شويه مش عارف بالظبط ايه الى بيحصلى وقتها ما اكدب عليكم
حاسس اني وحيد فى الدنيا مع اني مخير اني اعيش مع والدي وزوجته بس مش قادر بصراحه وانا رافض الفكره تماما طبعا الكل فاهم يعني ايه زوجه اب حتي لو طيبه وكويسه مهما كان مش هاقدر اعد فى البيت مثل ما اجلس فى بيتنا
من كثر التفكير افقد الوعي وصحتي دائم فى تدهور علما اني حتي الدخان ما ادخن ولا اى شىء ممنوع بقرب ليه
بجد محتاج نصيحه منكم اعمل ايه لاني فقدت الامل فى كل حاجه فى حياتي
خايف احد يجرني لسكه اندم عليها بعد كدا خصوصا اني ضعيف جدا بس قادر احافظ علي نفسى
نفسي اكمل تعليم مش عارف ايه المتاح بالنسبه لى
نفسى اعيش حياتي مثل باقى اصحابي
نفسى فى حاجات كتير جدا وللاسف الفلوس مش هاتحقق اى حاجه فيها
الفلوس اخر حاجه ممكن افكر فيها لانها متوفره الحمد لله بس عمرها ما خلتني سعيد ابدا
ممكن نصيحه منكم والى شايف اني غلطان فى شىء يقول وانا بتقبل كلامه بصدر رحب بس خليكم فاكرين الظروف كانت اقوي مني بكثير خصوصا لما لااسره تتفكك وانا عمري صغير ما قدرت بصراحه استحمل
بالاخير اتمني من الله عز وجل ان ما احد يمر بتجربتي ابدا واتمني منكم لاحد يزعل والده او والدته لانهم اغلي شىء بالدنيا كلها اذا عصبو عليك او اى شىء دا لمصلحتك فى الاول وفى الاخر وهما عمرهم ما هايكرهو لك الخير وصدقوني اذا فقدتوهم بتعرفو قيمتهم الله يخليهم لكم يااارب جميعا وما يحرمكم منهم ويطول بعمرهم (امين)
سلام عليكم