إستفسار عن عمولة تحويل ويسترن يونيون من الدول العربيه الى مصر واستفسار اخر ..

[MimomaN]

السلام عليكم ورحمة الله وبركاته

طبعا اخواني السؤال او الاستفسار الاول هو الموجود بالعنوان
وهو عن عمولة ومصاريف التحويل بالكامل من الدول العربيه وخصوصا السعوديه والكويت
الى مصر ... طبعا اعرف ان الموضوع يتم على شرائح لذلك اريد الاستفسار عن شريحتين هم
الاولى من 0 الى 50 دولار
الثانيه من 50 الى 100 دولار

لاني اتصلت بفرع مصر واخبروني انهم لا يعرفو لان لكل دوله اسعارها

-----------

استفساري الثاني اخواني هو اني اريد فتح حساب باحد البنوك الكبيره بمصر
وما اريده بالتحديد يتلخص في الاتي
- استقبال التحويلات الماليه على حسابي من اي دوله عربيه او اجنبيه
- امكانية استعمال رصيدي عبر الانترنت مثل حجز دومين من جوادي او غيره
- امكانية الايداع في رصيدي في اي وقت بدون حد ادني او السحب في اي وقت
- استقبال شيك جوجل ادسنس او ادبيرت او غيره ( اذا وُجدت )
- الرصيد لا يتغير او ينقص او خصم منه مصاريف اي كانت من قبل البنك
- بنك معروف وشهير ومنتشر وتعاملاته شهيره

--

وجزاكم الله كل خير اخواني اتمنى منكم مساعدتي بالتفصيل لمن يعرف
لان تعاملاتي مع هذا المجال شبه معدومه نظرا لاني المره الاولى التي احتاج الى الاتجاه الى هذا المجال
بانتظاركم اخواني واتمنى الا تخذلوني في الرد على استفساراتي بما تعرفو من معلومات

[إحساس]

من ريال الى الف ريال =35 ريال عموله الحواله

مافوق لا اعلم هل نفس السعر او اكثر

[سيڨيل]

وعليكم السلام ورحمة الله وبركاته
الاسعار تختلف لكل دولة فاحيانا صادف ان كانت العمولة 35 ريال واحيانا اخرى وصلت إلى 150 ريال علما ان جميع حوالاتي الذاهبة والقادمة كانت من وإلى منطقة الخليج أعتقد التحويل إلى أو من الإمارات هو الي كان قريب إلى 150 ريال.

[adlan]

80 rs
mobile

[سعودي سمايل]

اللي اعرفه من تجربتي
انه فيه نوعين من العمولات
وحده بـ 20 مدري 25 ريال .. وهي حواله عاديه و توصل الظاهر بعد يوم او يومين
والثانيه بـ 35 ريال و توصل الحواله لحظتها على طول

[MimomaN]

شكرا لكم جميعا اخواني الاحباء ( إحساس - سيڨيل - adlan - سعودي سمايل )

لكن من الواضح ان التكاليف ضخمه فعلا
لذلك اتمنى من يتملك الخبره في موضوع حسابات البنوك يفيدني في الاستفسار الثاني
لانه يبدو انه هايكون الحل الامثل بالنسبه لي في ظل ارتفاع التكاليف على ويسترن يونيون

وشكرا لكم مره اخرى

[فكرة للدعاية]

الارسال عبر الويسترنيونيون المتوسط حوالى 35 ريال ......

بالنسبة لموضوع البنك .. مينفعش كله لوكشة واحدة كده

هقولك حاجة حاجة

بالنسبة للشراء من الانترنت .. شراء فقط بدون اى استفادة او تحويل من اى شخص اخر

عن طريق بطاقة فيزا انترنت .. من بنك مصر .. تكاليف اصدارها ب 10 جنيهات .. بصورة البطاقة فقط

تشحن بيها حسابك عن طريق البنك ولكن عليك التاكد ان البنك به ماكينة B U S - بى يو اس -

ماكينة اللى عن طريقها الموظف بيقدر ياخد رقم الكارت الخاص بك وتعطيه المبلغ الخاص بالشحن ويشحنلك

لانه ممكن تفتح الحساب واصدار البطاقة من اى فرع ولما تيجى تشحن او عايز تشترى حاجة وتروح تشحن يقولك لا مش هينفع تشحن هنا لازم تروح فرع تانى يكون فيه الماكينة .... انا حبيت افيدك بس .. عشان حصل معايا الموقف ده وبقيت اروح فرع بعيد عشان اشحن ...

بالنسبة لادبرايت وادسنس .. تفتح حساب فى اى بنك ... حساب $ وتحط الشيك ويتم تحصيله

[MimomaN]

شكرا ليك ياباشا وردك
بس انا من خلال جوله كده عرفت ان تقريبا بنك الاهلي سوسيتيه جنرال من افضل البنوك في المجال ده
حساب شباب يوث اوفر وبطاقتين واحده ماستر كارد والتانيه انترنت كارد
لكن المشكله الوحيده تقريبا ان الحساب بينقص منه مبلغ كل فتره مصاريف بيخصموها
الناس بتقول مصاريف sms وناس تقول admin fees وغيرهم يقولو ويقولو
لدرجة ان واحد من الاخوه قال انهم خصمو منه حوالي 200 دولار في السنه

يبدو ان الموضوع معقد فعلا اخواني
لكن هل هناك من تعامل مع هذا البنك او غيره من البنوك ويفيدنا ؟؟

[moramo]

انصحك ببنك CIB

[2end]

10$ لكل 1000 دولار

[Peter Eden]

اوعى تاخد من البنك الاهلى سوستية جنرال , مشاكلة كتير بالذات فى الفيزا , يا تاخذ من الـCIB او من بنك مصر

اما بالنسبة للويسترن يونيون , فبصراحة لم اجربة , لان من فترة كنت عايز ارسل حوالة او استقبل حوالة(مش فاكر بالظبط) , قالولى ان الخاصية دية مش موجودة فى فرع مدينتى حاليا , فمن ساعتها وانا مش بفكر استعملة

[SoFiMaN]

10$ لكل 1000$ و اكثر من ذلك 20$

اما بخصوص افضل البنوك حاليا فهي CIB كخدمات و كفروع ايضاً و من افضل خدمة عملاء يمكن التعامل معهم لما لديهم من خبرة

[MimomaN]

شكرا جزيلا يااخواني جزاكم الله كل خير

اوعى تاخد من البنك الاهلى سوستية جنرال , مشاكلة كتير بالذات فى الفيزا , يا تاخذ من الـCIB او من بنك مصر

اما بالنسبة للويسترن يونيون , فبصراحة لم اجربة , لان من فترة كنت عايز ارسل حوالة او استقبل حوالة(مش فاكر بالظبط) , قالولى ان الخاصية دية مش موجودة فى فرع مدينتى حاليا , فمن ساعتها وانا مش بفكر استعملة

طيب ياباشا بما ان فيه شبه اجماع على بنك سي اي بي
ماتعرفش ايه نظام حسابات الشباب هناك وهل المواصفات اللي انا كاتبها في الموضوع هنا تنطبق عليه ؟؟
وهل فعلا فيه خصم مبالغ كل فتره منو زي اخونا اللي اتخصم منو مبلغ ضخم في السنه
لاني نفسي في حساب يحافظ على فلوسي كما وضعتها حتى لو فضلت 100 سنه تظل كما هي بدون نقصان
وفي المقابل لن ااخذ اي ارباح لانها ربا طبعا
يعني ولا عايز اخد منهم شئ ولا ياخذو مني شئ ويظل المبلغ كما هو
( يانحله لا عايز عسلك ولا عايزيك تقرصيني )

[Peter Eden]

شكرا جزيلا يااخواني جزاكم الله كل خير



طيب ياباشا بما ان فيه شبه اجماع على بنك سي اي بي
ماتعرفش ايه نظام حسابات الشباب هناك وهل المواصفات اللي انا كاتبها في الموضوع هنا تنطبق عليه ؟؟
وهل فعلا فيه خصم مبالغ كل فتره منو زي اخونا اللي اتخصم منو مبلغ ضخم في السنه
لاني نفسي في حساب يحافظ على فلوسي كما وضعتها حتى لو فضلت 100 سنه تظل كما هي بدون نقصان
وفي المقابل لن ااخذ اي ارباح لانها ربا طبعا
يعني ولا عايز اخد منهم شئ ولا ياخذو مني شئ ويظل المبلغ كما هو
( يانحله لا عايز عسلك ولا عايزيك تقرصيني )

انا مش فاهم انت عايز تعرف عن نظام الفيزا العادى ولا فيزا نت , عموما هو الفيزا العادى ما ينفعش تعملها قبل 21 سنة فى اى بنك بالاضافة انك بتحتاج مبلغ مش اقل من 2000 جنية تضعها فية , بالنسبة لفيزا نت بتدفع حوالى 50 او 60 جنية وبتضيف فيه المبلغ ألى عايزة بعد كدة , وكل سنة بيخصموا حاجة بسيطة من الحساب كتجديد للفيزا بتعتك , ودة الفرق ألى بين CIB و بنك مصر , لان فى بنك مصر لازم تعمل فيزا نت جديدة كل سنة , لكن فى الـCIB بتبقى كأنها فيزا عادية مملوكة ليك , وطبعا فيزا نت معناها انك بتدفع منها بس , لكن اعتقد انها مش بتستقبل , لانى يوم لما سالت نسيت اسال على قصة الاستقبال دية فى الـCIB , لكن هى 99% مافيش استقبال تصرف منها بس زيها زى باقى البنوك


وخلى بالك ان فيزا نت لو هتعملها فى سوستية جنرال ,لا تقبل الدفع بالدولار, بمعنى لو حبيت تدفع لموقع اجنبى لا يقبل الا الدولار ... ما ينفعش تدفعلة لان حسابك فى الفيزا بتدفعة بالمصرى , والنقطة دية جننتنى قعدت بتاع ربع ساعة مع الموظفة اتأكد من النقطة دية من استعجابى عليها .... لكن اكدتلى ان دة نظامهم .... عشان كدة حذرتك من سوستية جنرال , دة غير البلاوى التانية

الكلام دة ألى بقولهولك لسة سأل علية من شهر تقريبا .... يعنى ما اتهيئليش انة اتغير فى خلال شهر

وزى ما قالك الاخ فكرة للدعاية ما ينفعش كلة لوكشة واحدة لازم حاجة حاجة

[SoFiMaN]

CIB ليس لديه نظام شباب, ولا يوجد لديه فيزا انترنت مسبقة الدفع, و لكن فيزا عادية(اي كقرض) و الليميت الخاص بها من 500 جنيه الى 3500 جنيه علما ان الحد الاقصى 3500 جنيه يلزمه تأمين ضخم او بتوصية من احد كبار مسئولي البنك لأنها عملية ضمان حق و اسمها eCom Card و هناك الحساب الجاري (لا يوجد فوائد, و لكن مع دفتر شيكات) و حساب توفير (فائدة 6.25% سنوية) و الاثنان الحد الادنى لهم 2000 جنيه و ليس اقل من 21 عام.

سوستيه جنرال لديه حساب شباب Youth account و هو حساب توفير مع بطاقة انترنت مسبقة الدفع تستطيع صرف 7000 جنيه مصري كل 24 ساعة.

بشكل خاص, استخدم دوما CIB لانه الافضل والانسب لي بكل احتياجاتي. و لكن لدي ايضا سوستيه جنرال و قمت بتجربته اكثر من مرة و لكنه للاحتياط فقط.

اما بشكل عام, فكما ارى الانسب لك هو سوستيه جنرال نظرا لوجود حساب شباب و فيزا مسبقة الدفع و مصاريف بسيطة