بسم الله الرحمن الرحيم
السلام عليكم ورحمة الله وبركاته
هذا اول موضوع لي بعد عودتي من الاجازة
ندخل في الموضوع .. انا لدي بطاقة ماستر كارد واستخدمتها عدة مرات .. وقبل ما اسافر فرغت المبلغ الي فيها ما خليت الا 1 ريال , واقعد حتى ثني يوم في رمضان الا وتدق علي امراءة لبنانية تتكلم انجليزي ومدري وش قالت وقلت لها انا لا اعرف انجليزي اعرف عربي ( طبعاً بالانجليزي ) , وقالت لي اوكي راح تخلي واحد يكلمني عربي اليوم الثاني .. واجلس لليوم الثاني وانا متحمس ابي ادري وش تبي هي والرجال .. شوي ويكلمني هذاك اللبناني وقام يتفلسف معي .. انا من امريكا وانا اقدر اجيبك لأمريكا ومن ها الكلام .. واخر ي قلت له الزبدة وش تبي قال انت طلبت الذهاب للسكن والعيش بأمريكا ( البطاقة الخضراء ) المهم اذكر اني طلبتها وانا صغير ما ادري وش فايدتها قبل يمكن 6 سنوات .. وانا قلت بس جت الفرصة ادرس بأمريكا .. شوي قعد يأخذ بعض المعلومات
انت متزوج ؟ , انت موظف ؟ , وش تخصصك ؟ , في اي مدينة ... ؟ ومن ها الكلام ,,, وفي الاخير سألني تعرف انجليزي قلت له لا ما اعرف قال اوكي عطني صندوق بريدك والرمز البريدي وانا برسل لك سيديات وكتب لتعلم الانجليزي .
<<< الدلخ صدق وعطاه البيانات المهم بعدها سحبني وقال : مكتوب عندي ان عندك بطاقة فيزا من البنك الراجحي واجي انا واقول له لا انا معي ماستر كارد من الاهلي وقال ايه صح انا غلطت , وشوي قال عطني الـ 15 رقم الموجودين في البطاقة وانا ماشي معه واعطيه , وقال عطني التاريخ الموجود وانا اعطيه , وعطيته نفس الاسم الموجود في البطاقة , ويوم طلبني الرقم السري الا وانا استعيد الذاكرة انه يمكن يسوي شي او حاجه كذا او كذا .. وقلت له ممنوع ومن ها الكلام واخر شي هددني قال ترى بقفل الخط وما راح اجيبك على امريكا :funny: جيت انا قلت لا لا ولا تزعل واعطيه 3 ارقام خطأ في خطأ <<< صار ذكي في الاخير , وجاء وعطاني رقم الطلب ورابط موقع وايميله ورقم موبايله وقال راح نتصل فيك بعد بكرة اذا طلعت البيانات صحيحة .
وبعد انتهاء المكالمة على طول على الاب توب وادخل على الموقع الي عطاني .. والله العظيم انه طلع موقع الاستخبارات التابع لأمريكا او شي من هذا القبيل , وانا افكر قلت معقولة ينلعب علي بها السهولة .
انا من حسن حظي عندي برنامج تسجيل المكالمات كاملة .. وسجلت المكالمة كاملة 12 دقيقة :app: .. ولما رجعت للرياض واشوف المبلغ الي على الماستر كارد حصلته 1.078.90 ريال وادق على البنك قال لي من حسن حظك ما فيها اي مبلغ .. وعلى طول قمت بألغاء البطاقة نهائياً .
نصيحة للأخوان / انتبهوا لا تقعون نفس الخطأ الي انا وقعت فيه انتبهوا .. الله يوفقك
هذي قصتي حبيت تشاركوني في غبائي :nice: