عليكم السلام ورحمة الله وبركاته
اخ سعود <اتوقع هذا اسمك ..
سأتكلم عن بعض الأشياء وعن حكوماتنا وانشغالاتهم الي مالها داعي
كما ذكرت إنت إن قبل فتره طويله كانت الجزيره جنه بطبيعتها وحياتها الأكثر من رائعه .. يا اخي في مناطق بالمملكه كانت خضراااااااااااااااااااااااااااااء بشكل ماتتخيله .. مثل حفر الباطن ملقبة بعاصمة الربيع .. اذكر قبل فتره بفصل الربيع لاجيتها والله ان بس ماودك تبعد عنها نهائياً .. تكلمت عن حفر الباطن لانها اقرب المناطق لي من ناحية القبيله والقرايب بها كثار .
قبل 7 سنين تقريباً الفقع بالخليج بكثره .. الان استحاله ونادر ماتحصل بالخليج وخصوصاً فالكويت ..
الكل توريد من ايران وغيرها من الدول
قسم بالله اذكر الكويت من 99 وتحت والله ان الربيع بها لايعلو عليه وفقع واجوا طيبه والمكشات بها سعة صدر .. ولكن الان .. ان جيت للبر والله ان ماودك حتى تطول به .. مغير شوك ولافي مكان طيب الا بوبيان اذكر كشتنا بها العام انا وخوياي بها شعيب ماقول ممتاز ولكن جيد وحلوه الارض خضره ولكن عيبها لايوجد بها احد .. تخيل فبر لحالك هههههههه ماتدري وش فيه ووش مافيه .
أمور حكوماتنا مثلاً عندك السعوديه . الله يحفظ لنا الملك عبدالله
يأمر بهالاشياء بإستمرار ولكن الذين تحته هم من يوقفون هذي الأمور ويعطلونها . لااتكلم عن الزراعه بس بل الكثير من الأشياء جالسه تتعطل بسبب بعض المسؤولين بالبلد .
ولكن أكثر وأهم اهتمامات الملك بالسعوديه هي الدراسه والمدارس والجامعات وهالشي لوحظ بالفتره الأخيره .
وكذلك الصحه والتطور الذي يحصل بالمملكه بالصحه وعمليات ونجاحات علميه بأوروبا ماعملوها ولكن كل هذا توفيق من الله ثم من مساعدة الملك .
حكومة الكويت حدث ولاحرج
انشغالاتها بالمجلس والصيحه والاستجوابات ويتناقشون بأمور تافهه وتاركين من أهم الأمور بالبلد
إهمالهم بالصحه والدراااسه واااااااضح والكل يشهد بذلك
كل عضو مشغول فقط بمصالحه الشخصيه والقبليه .
لو تتكلم مع عضو منطقتك وتفهم هالشي ولابد ان يتكلم بهالشي بس بيقولك خير ان شاء الله ومعاد بتشوف وجهه مره ثانيه .
اهمال الكويت لأهم منطقتين بالكويت بشكل خيالي . الجهراء والأحمدي هم واجهات الكويت .. من الجنوب والشمال .. واحده النفط والمحروقات تارستها .. والثانيه المعسكرات والجيش تارسها
ولو حصل شوية ترقيات بالفتره الاخيره ولكن مازال اهمال هذي المناطق موجود واهتماهم بداخل الكويت بس اما المناطق الحدوديه مهمله جداً.
وفكرتك كـ وضع زرع بالحدود وعلى الخطوط اتوقع عملوها على طريق السالمي قبل فتره ولكن لاادري ماهو نوع الزرع الذين وضعوها ولكن ماطول فتره بسيطه ومات والان تمر ولاكأن فيه زرع .
صعب ياسعود اننا نطالب بهالامور وانا وانت مابيدنا اي شي ومنبر سوالف لايرونه المسؤولين . لابد من ان يكون بصفنا أحد المسؤولين القادرين على هالشي .
وميزانياتنا جالسه تروح على أشياء مايعلم بها غير ربك ........................
الخليج يمتلك ثروه عالميه .. وبإمكانه عمل المستحيل بنفطه وفلوسه .. ولكن لايوجد اداريييين اصلاحييين بمعنى الكلمه سوا بعض حكامها
تحياتي لك سعود وفرصه سعيده لقيناك بموضوع ناخذ ونعطي معاك
وشف المرفق مقطع صورته على طريق رماح وانا جاي للكويت من الرياض .
البيئه مازالت حيه .. ولكن حكوماتنا مازالت نائمه
__________________
سئل أحد الحكماء : أي عز يكون بالذل متصلاً ، فقال العز في خدمة السلطان
-
محب الله ورسوله
شخص احببته فالله واحترمه واتمتع بمشاهدة مشاركاته , كذلك أنصحك إنت بعد تبحث عن مشاركاته ..