في حل على الأدمان على " البيبسي " ؟؟

[سلطان المالكي]

بسم الله الرحمن الرحيم
السلام عليكم ورحمة الله وبركاته

اخواني الكرام .. انا عندي مشكلة ما ادري وش حلها

يومياً اشر لا يقل عن 2 بيبسي بعد الغداء وبعد العشاء

انا الان اكتب الموضوع وانا اشرب بيبسي :shy:

انا كل ما شربت بيبسي أشعر بألم في " اسناني " كلها .. ولا يخف الألم إلى بعد أن اشرب ماء , وبعض الأحيان احس بضغط على اسناني يعني كذا احس اني ابي اشيلها من محلها ^_^ , وبعض الاحيان احس بألم في " المعدة " <<< مدري وش اسمها الي تجي على يمين البطن .

الزبدة .. ابي حل لمشكلتي .. الدخان ولقوا له الناس حل وعلى ما سمعت ان في ناس والحمد لله نفع معهم الحل .

والمخدرات وفي ناس قطعوا عنها على حسب ما سمعت انهم يساعدونهم ...

لكن البيبسي وش حله

طبعاً أعرف ان نصف سوالف مدمنين بيبسي :nice:

وش الحل مرة آخرى

[EISA AHMED]

والله ياخوي انا نفسك ,, اذا كنت في الدوام اشرب على الاقل 4 - 5 علب بيبسي الحل وانا اخوك
امنع نفسك وحط النية انك ماتشرب ,, وخل الماء دوووم معاك وصدقني راح تنسى شئ اسمه بيبسي....

ع العموم ترى 1 - 2 نسبة عادية جدا ... في ناس تشرب كثير كثير ,,

[سلطان المالكي]

عمي يفطر بعلبة بيبسي ^_^ , وهو الي عودني عليه الله يهديه

واخر خبر .. انكب البيبسي على الجوال بعد كتابتي للموضوع O_o

الله يعين

انت مو مدمن 4 - 5 انت فوق الادمان هههه

وانا اشرب 2 وتوقعت اني خلاص بنتهي

على العموم والله اني حاولت اتركه لكن ما قدرت .. شربت عصير برتقال .. وما بقيت شي .. لكن ما في امل ^_^

[محمود المسعودي]

البيبسي يسحب الكالسيوم من الاسنان و العظام و يجب لك هشاشة في العظام .. عشان كده بتحس بألم في اسنانك.
عموما، خلي الماء معك مثل ما قالك Dr.Gix و راح تغنيك عن البيبسي ...

[oO(الباسل)oO]

عندي حل استبدله بعلبة عصير :funny:

والله لو فيه حل كان اول ناس تركته .. مااقدر استغني عن الببسي (الغازيات بشكل عام)

ولا بعد ابشرك تخصصي اغذية (اخصائي تغذية) واعرف دكاتره بكبرهم يشربون معنا الببسي وماحولك احد

طالب بتعويض من أحمد حمد القصيبي ( صاحب شركة ببسي) للعلاج بالخارج هههههههههههههههه

[سلطان المالكي]

يعطيكم العافية

ولكن والله جربتها

طيب السفن اب هل هو كذلك نفس الضرر ؟

[oO(الباسل)oO]

يعطيكم العافية

ولكن والله جربتها

طيب السفن اب هل هو كذلك نفس الضرر ؟

نعم مضرة بشكل عام الغازيات

! ويستخدم احياناً السفن اب كمغذي في بعض الحالات

وعلاجك كثر من شرب الحليب ومنتجاته واترك الببسي تدريجياً وحتى العصائر اهتم بالعصائر الطبيعيه ! وليس المحلاه والي متوفره بكل الاسواق وبكل مكان هاذي كلها فيها

سكريات قد تضرك مستقبلاً ان كنت مستمر عليها ... عليك بالعصائر الطبيعية 100%

وفي هذه الحالة ايضاً عليك مراجعة اقرب دكتور للاسنان باسرع وقت ( المستوصفات الخاصه) لان العامه مليانه وتمشي بالمواعيد لشهور قدام

[سطام سعد]

جرب البيره وانا اخوك شوف كيف تقطع الببسي .. خاصه يوم جت بنكهات .. صرات مزاج


كنت مدمن ببسي .. والحمد لله تعافيت منه

[سليمان عبدالعزيز]

جرب البيره وانا اخوك شوف كيف تقطع الببسي .. خاصه يوم جت بنكهات .. صرات مزاج


كنت مدمن ببسي .. والحمد لله تعافيت منه

مي تو ^^
لكن البلا كنت اشرب قبل مايقل عن 4 علب ببسي ^^... لكن من طحت على الهولستن والبيربيكان ..تركنا الببسي فتره
لكن اللحين ان دخلت بقاله من الأغراء اخذ ببسي وهولستن ^^ .. اخلص من هذا افتح الثاني وشف كم واحد باليوم ,,

وجرب الباور هورس < بيخربك ^^ صراحه انه شي خطير بس ماتركته الا بسبب سعره ^^

[عبدالرحمن الدوسري]

اخوي انا مثلك مدمن بيبسي.... حتى اخوي الكبير كان مثلي مدمن بيبسي لكن في رمضان بدل البيبسي في الفطور وخلا من بداله فيمتو والأن اهو قاطع البيبسي
يعني انطر لين رمضان
وتبي نصيحتي لاتقرب الرد بول والباور هورست انا كنت مدمن باور ورد بول
اكتشفت بالفعل كانت تسبب لي الصداع
وكنت احس اني دايماً معصب فقطعت واحس اني مرتاح اكثثر ودون صداع,

[أشرف السمهوري]

وعلاجك كثر من شرب الحليب ومنتجاته واترك الببسي تدريجياً وحتى العصائر اهتم بالعصائر الطبيعيه ! وليس المحلاه والي متوفره بكل الاسواق وبكل مكان هاذي كلها فيها

فعلاً اشرب حليب، نسكافيه، كاكاو .. تساعد بشكل كبير ..

وحاول لا تخرج من البيت << كل ما يخرج لازم يرجع بعلبة بيبسي :# ..

[حسان وافي]

شف طال عمرك روح زور قسم الكلى والغسيل المنومين واللى يغسلون

فى المستشفى اللى عندكم

واسال الدكتور عن مدى خطوره البيبسي على الكلى

[EISA AHMED]

عمي يفطر بعلبة بيبسي ^_^ , وهو الي عودني عليه الله يهديه

واخر خبر .. انكب البيبسي على الجوال بعد كتابتي للموضوع O_o

الله يعين

انت مو مدمن 4 - 5 انت فوق الادمان هههه

وانا اشرب 2 وتوقعت اني خلاص بنتهي

على العموم والله اني حاولت اتركه لكن ما قدرت .. شربت عصير برتقال .. وما بقيت شي .. لكن ما في امل ^_^

عمك هذا مشكلة
اقولك اخر خبر؟؟؟
البيبسي في دولة قطر صار بريال ونص ! الظاهر بعد دعاية نانسي عجرم التجار عندنا تأثروا فيها وقالوا لجل عين تكرم ألف عين:app:

[سلطان المالكي]

نعم مضرة بشكل عام الغازيات

! ويستخدم احياناً السفن اب كمغذي في بعض الحالات

وعلاجك كثر من شرب الحليب ومنتجاته واترك الببسي تدريجياً وحتى العصائر اهتم بالعصائر الطبيعيه ! وليس المحلاه والي متوفره بكل الاسواق وبكل مكان هاذي كلها فيها

سكريات قد تضرك مستقبلاً ان كنت مستمر عليها ... عليك بالعصائر الطبيعية 100%

وفي هذه الحالة ايضاً عليك مراجعة اقرب دكتور للاسنان باسرع وقت ( المستوصفات الخاصه) لان العامه مليانه وتمشي بالمواعيد لشهور قدام

جربت اليوم عصير ليمون طبيعي بس غالي يبوي هههه

يعني بـ 7 ريال .. يعني 2 * 7 = 14 ريال يومياً .. 14 * 30 = 420 ريال شهريا

لكن راح نبحث عن البديل

ودي اجرب عصير ربيع اليوم بعد العشاء ان شاء الله :shy:

مشكور كتير على المشاركة الحلوة

[عبدالرحمن الدوسري]

Dr.Gixصح كلامك ارفعو السعر
لكني ابشرك

رجعو السعر الى ريال