السلأم عليكم ورحمة الله وبركاته
اسعد الله صباحكم/مسائكم
اخواني الأعضاء والزوار
وتقبل الله صيامنا وصيامكم وصالح اعمالنا واعمالكم واعاننا على اتمام الشهر بطاعاته سبحانه
اليوم اخواني موضوعي عن حقوقي الشخصيه هذا اولأ
فكل شركه سوائاً استضافه او تصميم او برمجه تحتفظ بخصوصية عملأئها وارائهم ومشاكلهم ايضاَ
اليوم بتطرق على موضوع الأخ كلأسيك ( صاحب احساس )
ببدأ معكم قصتي معااه من البدايه
واللي كاانت بدايته موضوع الأخ كلأسيك على الرابط التالي:
http://www.swalif.net/softs/swalif1/softs270359/
انا نويت افتح شبكة وناوي ابدع فيها قد مااقدر ان شاء الله
وتعلمت من الشبكة العنكبوتيه نجاح الموقع
الاداره + المحتوى + الاسم + التصميم
واشياء ااخرى لأاود التطرق لها نكتفي بذلك
وانا دققت على التصميم لأن عاالمه كبيير
والايام هذي صار الكثير يصمم لكن جلى وقل ماتحصل
اللي يظبط لك التصميم ويبدع فيه
وانا جالس ادور وافر بالمواقع والمصممين
وحصلت مصممين مبدعين ومن ضمن هذي القائمه
الأخ : كلأسيك ( احساس )
عمل جبار وابداع بأعماله ماشاء الله
وهذا الشخص اللي اخترته تسنى لي ان اتواصل معاه
عن طريق المسن والجوال والحمدلله حصلته ماهو مزحوم اعمال
ويقدر ينجز لي تصميمي بوقت ممتاز وتم الاتفاق معاه على تصميم
ولكن قبل لم يتم الاعتماد شرحت له شغلأت
واللي هي اني اتطرق بالتصميم بكونه شبكة كاامله
اتطرق للرسميه والالوان التدريجيه البسيطه اللي فيها ابداع
وعطيته امثله على شعارات مواقع ومنها اللتي بأعماله كـ ( خيالات - محتاج - مشاركات - الديوانية - حكاوي )
حيث اشدت عليها بابداع المخطوطات وان يكون اسم موقعي مثل طريقتها ( خط حر )
طبعاً لأيخفى عليكم اقررب مثال لموقعي ( مشاركات ) وطلبت منه انه يكون مقارب للهيكله له : )
بكون موقعي شبكه يعني يكون التصميم كالتالي :
1- شعار اسم الموقع بخط حر ( بحيث يكون رسمي جداَ )
2- الوان تدريجيه بسيطه بلمسه ابداعيه من يدينه الحلوات
وتم الاتفاق تسليم العمل بعد 4 ايام
وانتظرنا الـ 4 ايام هذي
وجا ارسل لي هالتصميم قال شووف تصميمك
التصميم ممتاز والله وابداع منه : ) صح انه بسيط
لكن برضوا ممتاز
لكن التصميم لم يكن على الطلب كما تلأحظون
التصميم تبع موقع حب او رومنسي او شي زي كذا ماهو حق شبكة رسميه
ونفس الكلأم بالمخطوطه لم تكن بالمطلوب كشعار شبكه رسميه ( مشاركات - خيالات )
وبعدها قلت له هالكلام
قلت بالعربي انا ابي خط شعار حر مقاارب لشبكة مشاركات وخيالات
ونفس الحكايه للألوان والتدريجات وكذا او بفكره حلوه منك
وهذا الكلأم اللي صار بيننا بالظبط : )
اتوقع ان الصوره توضح كل كلأمي الأن
وانا وافقت قلت له تم
وقال اوك انتظر 4 ايام اخرى
وانا بعلمكم موقعي جهزته بحيث بس نركب التصميم
يعني تأخرت الأن فوق اللزوم
لكن لأجل الابداع نصبر ونشوف
وانتظرنا الأخ كلأسيك ليوم الموعد
وكنت وربي متلهف للتصميم ومتوقع منه
شي خياالي نفس ماقالي بيسوي كل شي رسم بيده : )
وخاصه من مصمم مبدع
لكن يوم سلمني التصميم انصدمت وربي
انتظرت 8 ايام + رفع السعر
وبالأخير تصميم نفس كذا ؟
على فكره التصميم رووعه بس ماهو نفس ماطلبت انا بالظبط
ونفس ماقالي انه رسم يد ركزوا على هالشي
ملأحظات التصميم :
1 - ان الشعار ماهو نفس مااتفقنا عليه الدليل كلمة نكهة ( خط جااهز ) كلمة خليجية ( مكرره من كلمة قلوب )
2- التصميم ماهو رسم مثل ماقالي بكلأمه الأخير
يااخوان هل معي حق بذلك او ماذا؟
انا قلت هالكلمه لأن التصميم ماهو نفس اللي طلبته ولأ واحد بالميه : )
هذا كل اللي صاار
ولكن ارجوا من الأخ خالد (كلأسيك )
اولأ ان اللي صار بيننا عيب يطلعه لأنها حقوق عميل وهذا اقل حق اطالب فيه
والاستهزاء بي والسماح للأعضاء بالتكلم والسب في كلأمي معاه بخصوص التصميم
انا اتحدا اي وااحد يدري وش اللي صار يوم يحكم علينا بالكلأم اللي قلناه
يعني ياجماعه لأتصيرون جيدين بالكلأم والمسبه بالخلق وتسوون انفسكم اهل الذوق
نحن لأندعي الذوق ولأشي لكن نطمح لشي افضل لأاقل ولااكثر
وهذا من حقي قبل ولأواحد منهم يتكلم بموضوع الأخ كلأسيك
تشمت ومسبه وكلأم فاضي الأخ كلأسيك رضاه علي
وبعدين كلمه للأخ كلأسيك
التصميم انا دافع فيه فلوس يعني ماعطيتني اياه صدقه يعني منتك بالتراب ياخوك ماجيت انت قلت خذ
هذا تصميم مني هديه لك عشان تعتب علي يوم اني اعقب على التصميم
والتصميم ياناس نصه ابداع المصمم ونصه الأخر فكرة العميل اللي طلب التصميم
يعني انا ادري اكثر اللي ردوا اعتبرهم ناس فاضيه بس تسب وتشتم وتمدح وخلأفه
يعني ياجماعه الخير ياليت كل واحد يحاسب على مايقول ويعرف وش اللي صاير
مو يقولي كم كلمه وهو تاكي رجل على رجل قدام الشاشه
وانا معاي الحق لو اقول ان التصميم مو فاشل 100% وبس
لأنه حقي كعميل اولأ
لمتى يااخوان هالشي لمتى تحفظون حق العميل ؟
ترانا بفلوسنا لأتخافون مو خير فيكم ولأبركه لأوالله
وارجع واكرر اقول نصيحه للأخ كلأسيك:
1- ياليت اسلووبك مايكون جاف كذا فوق اللزوم اخوي انت انسان مبدع
وفيك امكانيات عاليه بالتصميم لكن ماكل تصميم توصل فيه الذوق المطلوب
ماهو شي عيب والله بالعكس واهنئك على الروح اللي تتروح فيها ( اليأس ) من قلت لك التصميم فاشل
قمت يأست وهات حسابك ومدري وشو ووش فهمك بالتصميم والكلام هذا
انا اعاتبك لأنك عرفت وش مطلبي لو انك سويت طلبي ماكان صار هذا كله مو تسوي لي اي شي وتقول هذا رسم
الله ماشفناه عرفناه بالعقل هل التصميم رسم يد كامل؟
كذاب اللي يقول ايه وخافوا ربكم بالمدح الزايد واعطوا كل شي حقه
ولكن تطمنوا انا ماكتبت هالموضوع الا عشان اوضح لكم اللي صار
وانا لي فتره افر بسوالف واقرأ المواضيع
ناس فاضيه بس ترد تمدح وتكذب وتسب وتذم
ليه كل هذا يصير بسوالف؟ صار مكان سب والكلام هذا
واضمن مليون بالميه ثلأث ارباع اللي بسوالف اللي يردون والكلام هذا مايدرون شالسالفه
مع الخيل ياشقرا بس يرد ويسب مع الخلق
ومابي اطول عليكم زياده
انا حبيت بس اوضح لكم اللي صار وارجع واقول
هذا حقيييييييييييييييييييييييييييييييييييييييييييييييي ييي
مااحد يقدر يحاكيني فيه لأنه انا طلبت شي
وصبرت 8 ايام ولأسوا شي من اللي طلبته وفوق هذا رفع سعر ولأقلنا شي
اتمنى من الجميع مايزعل علي وخاصه كلأسيك
لكن انت بديت فيها بموضوعك وكلأمك اللي وربي قمت اضحك
عليه وعلى اللي يردون بس جالسين يرفعون فيك لأاقل ولااكثر
^_^
ولأهم دارين وش السالفه ولأوش طلبي اصلأ من البدايه
وارجع واقول مشكور حبيبي خالد ع اللي سويته معي لكن لأتجادل على شي ماهو من صالحك : )
وعلى الفلوس التصميم اذا ماتبي ترجعها بعد ماقريت الموضوع براحتك لأتردها
نلقاها بيوم محتاجين فيه ( يوم القيامه *لأيجي عضو فاضي يقول تحتاجها يوم تطفر )
وهذا وصلى الله وسلم على محمد
واخ خالد لأتعتزل ولأشي كمل يامبدع وربي انك مبدع حبيبي ولأتزعل من كلمتي لأنه ماهو قد طلبي لأاقل ولااكثر
وانا لحد الأن معجب بتصاميمك
لكن ماكتب الله لنا نصيب من اعمالك الروعه
والسلأم عليكم خير ختام