اعلان شفروليت لاتشتري سيارة الان الحدث الاكبر في 20 -12

[العبقري]

سلام عليكم

كنت اتصفح عكاظ اليوم
شفت اعلان شدني بصراحة مادري اذا احد سمع معلومات عن هالاعلان :con2:

http://www.okaz.com.sa/new/index.cfm...stamp=20091205
الصفحة 33

انا اتوقع انهم في 20 -12 راح يوزعو سيارات مجانا



تحياتي

[grandhaze]

المفاجاة هو نزول موديلات 2010 بالاضافه الى سيارة جديده اسمها ماليبو اتوقع

وتخفيضات عليها

الخبر اكيد هذا

[العبقري]

شكلك المدير التنفيذي


طيب يالغالي وشو من تخفيض ؟؟

يعني تخفيض يجمل ولا كم ريال؟!

لك التحية

[grandhaze]

شكلك المدير التنفيذي


طيب يالغالي وشو من تخفيض ؟؟

يعني تخفيض يجمل ولا كم ريال؟!

لك التحية

لا والله لاني مدير تنفيذي ولا شي

بس الوالد مدير الفرع بالمنطقه وسالته يقول في تخفيض على القيمه الاجماليه للسياره
بس والله مادري كم
+ اضافه سيارات جديده زي ماقلت لك
ويقول اهم شي ان فيه شروط للي ياخذون اقساط بيلغونها يعني بيصير نظام التاجير عندهم والتقسيط اسهل من اول .. انا الي اعرفه ان نظامهم يختلف عن عبداللطيف وغيره بس يقولون من بعد هالمفاجاه بتكون الشروط اسهل

هذا الي سمعته منه والله

[العبقري]

اهااا
طيب فيه سؤال ايضا (اذا تسمحلي)

يقلولون ان الي مهنته في بطاقة الاحوال ماتغيرت يعني (متسبب) يعني ماقد توظف

يقدر ياخذ السيارى على اقساط بسعر الكاش؟؟؟!!!

يقولون قرار جاي جهات مسؤلة مع التنسيق مع الوكالات داخل المملكة

وحابين نتأكد من الجهات المسؤلة مثلك:app:


تحياتي

[Arab-nic.com]

المفاجاة هو نزول موديلات 2010 بالاضافه الى سيارة جديده اسمها ماليبو اتوقع

وتخفيضات عليها

الخبر اكيد هذا

ماليبو هي من شفروليت من زمان وكانت نازلة وتم ايقافها بسبب انها علة وقطع غير غير متوفر
مدري ليه ترجع مع انها مانجحت سابقاً

موديلات 2010 نزلت مند مبطي ليه اخر الناس ولا تبي تشفط الناس الي راحت سياراتها بكارثة جدة؟

[grandhaze]

اهااا
طيب فيه سؤال ايضا (اذا تسمحلي)

يقلولون ان الي مهنته في بطاقة الاحوال ماتغيرت يعني (متسبب) يعني ماقد توظف

يقدر ياخذ السيارى على اقساط بسعر الكاش؟؟؟!!!

يقولون قرار جاي جهات مسؤلة مع التنسيق مع الوكالات داخل المملكة

وحابين نتأكد من الجهات المسؤلة مثلك:app:


تحياتي

لا ماتوقع .. نظام عبداللطيف جميل التاجير منتهي بالتمليك هو اسهل نظام للسيارات زي ماسمعت يعني ممكن اي موظف يقدر سياره راتبه يكون فوق 3400 بدون كفيل وبدون اي مقدم
فقط اول قسط واذا تبي تدفع مقدم .. عشان تخفض قيمة السيارة والاقساط تقدر

بالنسبة لي انا رحت لمركز تايوتا واخذت عرض للاندكروز 2010 جي اكس ار فئة 2 بقسط 3500 بدون مقدم ومع مقدم 50 الف القسط يصير 2900 .. بس لو ماتبي تدفع مقدم تقدر تاخذ السيارة بدون ماتدفع مقدم بس اول قسط هذا اخر زياره بعد العيد بعشر ايام جيتهم

بس شخص لازم يكون متوظف

الجميح نظامهم السابق كان لازم يكون فيه كفيل للتاجير والتمليك كلهم بس الي يقولون مفاجاه
ان نظامهم التاجير يصير زي عبداللطيف يعني الموظف ياخذ بدون كفيل
+ التخفيضات الي يقولون عنها

الاقساط بسعر الكاش للموظفين بس ابوي ماخذ جمس منهن بسعر البطاقة الجمركية على نظام التاجير

ماليبو هي من شفروليت من زمان وكانت نازلة وتم ايقافها بسبب انها علة وقطع غير غير متوفر
مدري ليه ترجع مع انها مانجحت سابقاً

موديلات 2010 نزلت مند مبطي ليه اخر الناس ولا تبي تشفط الناس الي راحت سياراتها بكارثة جدة؟

ماليبو اول مانزلت بالامارات وكانت تصدر بس بامريكا ماكنت تصدر للشرق الاوسط على حسب ماقريت بالنت
بس موديلات 2010 مانزل الا بعض سيارات بس عندك كابر ولومينا وسوبرمان ويوكن مانزل واخر زياره كانت بعد العيد ومانزل شي
اتكلم عن فروع السعودية طبعا


< ناوي على كرايسر

[صحراء]

اليوم 20 وش طلع العرض

[العبقري]

خلنا نشوف جريدة اليوم عكاظ الساعة 4 بالفجر

باقي 4 ساعات :1power:

[العبقري]

هلا بالشباب

هذا هو نزل الخبر

http://www.okaz.com.sa/new/index.cfm...stamp=20091207

في الصفحة رقم 15

بس للاسف حاولت اسوي زووم على الاعلان بس طلع فيه تشويه

الي قرا الاعلاان يقلنا ايش الي صار

[إينـاسوفت]

اللي يشتري السيارة يعطيني المجوهرات:shy: <<< ناوي يتزوج

[العبقري]

اللي يشتري السيارة يعطيني المجوهرات:shy: <<< ناوي يتزوج

اهلين
معلش حصل خطأ بسيط شوي
الاعلان الي تقصده كان لشركة اخرى
وانا غلطت وحطيت الاعلان عشان اخذ السبق الصحفي

الحين بعد تعديل الرد شوف وش الي اقصد فوق

[العبقري]

شباب قبل يومين
رحت الوكالة طريق خريص
صراحة رحت مع واحد من الشباب ولا جاء في بالي انه بيروح الوكالة
لقينا زحمة كبيرة جدا

كل واحد يسجل اسمع وتلفونه يقولون يشوفون لك سيارة ل30 الف على ماظن
اهم شيء سجلت اسمي وخلاص بس بصراحة مادري ايش الهرجة

هل فيه احد يشرح لنا ؟

وبالذات واسطتنا grandhaze

[بوابة التميز]

انا جاني الايميل هذا مادري عن صحته

عاجل جدا

كلنا سمعنا عروض الجميح

ركضت وحجزت خمس سيارات ( يوكن وتاهو وكابريس ولومينا وابيكا ) في فرع عنيزة , لأني واثق ان شركة مثل الجميح لايمكن تحتال على الناس بل ستمكن الناس من المشاهدة قبل البيع .

في اليوم الثاني جيت ومعي دفتر الشيكات عشان أسدد

قال المصري ان العروض اللي بالجريدة يوجد لكل نوع حبة وحدة وخلصت من أول لحظة ( أول احتيال )

قلت دور لي موديلات ثانية , دور مالقالي إلا تاهو وابيكا 2006 بـ 36000 واللي كانت موجودة بالعرض 2005 بـ 20 ألف

قلت ماعندي مشكلة , قال خذ وقع على التعهد

قريته كالتالي :

بالاشارة إلى حملة التصفية المعلنة لديكم نأمل البحث والحجز لسيارة من السيارات المشار إليها بعرضكم بتاريخ 9/12/2009 والتي أرغب شراء سيارة منها وعليه أرجو منكم افادتي خلال 48 ساعة من تاريخه بإمكانية السيارة التالية :

نوع السيارة
اللون
الموديل
السعر

دون أدنى مسئولية على شركة الجميح للسيارات في حال عدم توفرها نظرا للإقبال الكبير على تلك السيارات علماً أنني أعلم جيداً أن تلك السيارات المعلن عنها هي سيارات مخزنة وليس عليها ضمان وأرغب بشرائها بحالتها الراهنة دون تجهيز أو مطالبتكم بالمشاكل المترتبة على التخزين من كفرات أو بطاريات وخلافه ... وهذا بعلم مني .

قلت للمصري مامعنى وخلافه ؟
قال لو تجيك السيارة تشليح ماراح تحصل فلوسك لأنك وقعت بالعلم .

وهذي صورة من العقد

[العبقري]

الله المستعان اقسم بالله لو في دولة اجبنية مانشوف هالشيء!!

لها الدرجة المواطن صار ثور وغبي عندهم يحاولو يضحكو علينا كلها من شان حملة خليها تصدي عشان يردون الصاع صاعين :anger2:
ومن جد خليها تصدي:anger2: