وش قصة اعلان شفروليه (الجميح)؟؟

[العبقري]

السلام عليكم ..

اخواني انا شايف اعلان يجي بالام بي سي باستمرار عن سيارة جديد 2010

بـ 53 الف ريال سعودي؟:con2:

معقولة ؟ ولا قصدهم الدفعة الاولى ولا وايش بالظبط قصدهم؟؟

[عبدالرحيم الزهراني]

ويش نوع السيارة ؟

[العبقري]

والله وانا خوك

اول مره اشوف هالسيارة وماعرف اسمها

هي تقريبا انها جديدة اول موديل ينزلوه هو 2010 على ماعتقد

[عبدالرحيم الزهراني]

اجل نشرد عنها احسن

والله انا اعجبت بالكابرس ولومينا ودي بكرة اروح واشوف الاسعار في الطائف نار وشركة والله مدري ويش اسمها لكن اسعارها نار اقسم بالله لومينا 95 الف ! والكابرس ls سعرة 108 يعني لو فيها خير السيارة هذي كان باعها دبل بس ياسيدي يقول شي تعرفه احسن من شي ماتعرفه .

[الأزهر]

اجل نشرد عنها احسن

والله انا اعجبت بالكابرس ولومينا ودي بكرة اروح واشوف الاسعار في الطائف نار وشركة والله مدري ويش اسمها لكن اسعارها نار اقسم بالله لومينا 95 الف ! والكابرس ls سعرة 108 يعني لو فيها خير السيارة هذي كان باعها دبل بس ياسيدي يقول شي تعرفه احسن من شي ماتعرفه .

أنصحك يا خوي أبعد عن الكابرس عن تجربة

عندي كابرس رويال 2008 أبو مشاكل لها أول ما لها أخر ... فخامة بدون جودة

[عبدالرحيم الزهراني]

أنصحك يا خوي أبعد عن الكابرس عن تجربة

عندي كابرس رويال 2008 أبو مشاكل لها أول ما لها أخر ... فخامة بدون جودة

هلا اخوي الازهر طيب ltz ؟

[][ شهاب ][]

انحش عن الكابرس من اوله الى آخره
سيارة صناعتها استراليه و حودتها اقل من جودة الكيا و الهونداي

[bArHoMi]

اعرف واحد معه كابرس ltz موديلها ٢٠٠٨
بصراحه كارفها كررررف مب معقول .. و ماشاءالله ماطلع له مشاكل ..

و بصراحه سواقتها ممتعه لآبعد حد ، خاصة اذا جتك ٨ سلندر

[العبقري]

طيب ياشباب دام الشغلة قلبتوها نقاش بالسيارات


ابي اسألكم عن مازدا3 2010 يقولو سعرها حدود 39 الف؟؟؟

وش رايكم واي فئة يقصدو وحبذا لو شوية صور

تحياتي لكم

[النجدي]

والله ما اعرف عن السيارة اللي تقصدها شي ! وللاسف ما شفت الإعلان

ولكن بما انكم جبتوا طاري السيارات .. ابغى اسأل فيه احد شاف او جرب سيارة ford taurus الجديدة ؟

بصراحة هالسيارة دخلت مزاجي من جد ! خاصة ان التوب قوة مكينتها 365 حصان ! وفيها مواصفات مو طبيعية ؟ فـ وش رايكم فيها ؟ انا كان معي نفس السيارة ولكن موديل 2001 وهي حلوة لكن كان عيبها قطع غيارها مو متوفرة بكثره واسعارها غالية .

[bArHoMi]

ماعرف عن المازدا
بس الفورد تورس الجديده بصراحه خياااال ..
مواصفات وشكل ومكينه وكل شي و فورد معروفه بصبرها ..
الفل منها بصراحه رهيب ..

[mad921]

قبل لا تشترون كابرس او لومينا مرو الصناعيه القديمه

وشوفو مركز شلنجر و قير كو والقرعاوي وطقتها ..

كل الي بمواتر كوابرس ولومينات الجدد والله ماشفت مديل جديد

من فورد ولا جي ام سي موجودات في مراكز الصيانه واغلبها

شفر جدد معقول مديل 2008 قير طاق

غير انها سيئه سيئه في جوده التصنيع لأبعد حد

[أبوهيثم]

ابعدووووووووووووووا عن الكابرس يا ناس , تبي تشتري اشتر من 97 ونازل وبس

مع اخوي كابرس 2000 خسايره اكثر من قيمة شراه وفي النهاية شوته

ومع ولد خالي كابرس 2006 ومتبهذل واياه , نصيحة لكم هجوووووووووو

[mad_4u]

العبقري
هي سيارتين نازلة جديدة للشفر
1- كروز وهي نازلة بدل الاوبترا وهي مقاس الكرولة والصني
2- ماليبو وهي نازلة مكان الايبيكا وهي مقاس الكامري والاكورد

المازدا جيدة بس مالها سعر
اذا بتشترية وتستخدمة ماراح تواجة مشاكل 5 سنوات ان شاء الله اذا انت محافظ عليها
اما اذا تبي تبيعه بعد سنه او سنتين ثلاث ابعد عنها راح تجيب اقل من نص سعرها

سوق السيارات المستعملة يتحكم فيها الشريطية واذا يبون يرفعون سوق نوعية معينة يرفعونه ولو يبون يطيحون سوق يطيحونه
بغض النظر الشركة المصنعه او حالة السيارة

[العبقري]

طيب نحول الموضوع الى التويوتا

وش رايكم بكامري 2008 او 2009 سبورت؟؟

حبذا لو تذكرون الميزات والسلبيات