بحاجة الى مشورتكم في عمل تصميم بناء

[:saudi:]

السلام عليكم

ماني عارف كيف اشرحلكم المهم
عندنا مساحة زايده في البيت تقريبا 500 متر مربع قابله للزياده وابي احط فيها مجلس ومقلط ودورات مياه ومواقف سيارات واشياء تجميليه اخرى
طبعا كنت ناوي اخلي البنيان من الطين بس للأسف عجزت احصل ناس فاضيه عاد بغير الفكرة وبخليه من الاسمنت
هل سبق احد منكم وبحث عن مصممين على الانترنت او كيف اجيب تصاميم حلوه :con2:

واللي عنده خبره في هذا الموضوع ياليت يفيدنا

ومشكورين مقدماً

[أزدي]

عندك شيء محدد من الي ذكرتها فوق ولا تبيها كلها ؟

انصحك بمهندسين معماريين .. عشان تطلع بشيء يستاهل و لك و للزمن
يقول المثل إذا طعنت فـ جُر

[V I P]

الحل الامثل هو انك تدور على اقرب مجمع استراحات وتشوف التصاميم والي يعجبك خذ له عدة صورة

يعني تجمع الافكار المتميزة والتصاميم الحلوه وتنفذها

بالنسبة للعمال ماعرف موقعك وين عشان افيدك إذا في الرياض فـ ياكثرهم كثراااه

[:saudi:]

أزدي ابيها كلها بالنسبه للمهندسين كل اللي نشوفه اشياء عاديه مافيه تخطيط هندسي يجبرك تسوي زيه

اخوي vip مثل ماذكرت ملينا من المباني المعروفه السامجه ابي تصاميم كويسه
بالنسبه للعمال الهايتين ياكثرهم لكن وين اللي يعطيك ضمان ومؤسسة تضمنها في المستقبل

مع البحث في الانترنت لقيت تصاميم كويسه بس اغلبها للخشب وشكلي بغير الموجه للخشب نفس المباني الاوربيه ونادر الشركات اللي تسوي مباني خشبيه
طبعا المكان ماراح يكون رسمي يعني شبابي بحت

[أزدي]

أزدي ابيها كلها بالنسبه للمهندسين كل اللي نشوفه اشياء عاديه مافيه تخطيط هندسي يجبرك تسوي زيه

اخوي vip مثل ماذكرت ملينا من المباني المعروفه السامجه ابي تصاميم كويسه
بالنسبه للعمال الهايتين ياكثرهم لكن وين اللي يعطيك ضمان ومؤسسة تضمنها في المستقبل

مع البحث في الانترنت لقيت تصاميم كويسه بس اغلبها للخشب وشكلي بغير الموجه للخشب نفس المباني الاوربيه ونادر الشركات اللي تسوي مباني خشبيه
طبعا المكان ماراح يكون رسمي يعني شبابي بحت

خشب وفيه مكيفات سبلت مثلاً و مشب ؟

اسمع سو شيء ترتاح له .. فكر في شيء اذا شفته ولا مكان رحت له وحسيت براحة او احساس مميزة و بلغ اي مهندس جيد يعملك تصميم قريب من مبتغاك

[بووليد]

http://www.m3mare.com/vb/forum.php
http://www.archmaher.com - من الرياض للإستشارات.

موفق عزيزي

[مجود الحفر]

بيت شعر حط








:court: بنجلد

[:saudi:]

ازدي تجي عادي لاني شفت تصاميم فيها مكيفات مركزيه تحسبها عشة حمام

بو وليد كنت مفكر اسوي زي هالطريقة بس عجزت بحصل مؤسسة مضمونة تسويه لي ومشكور على الرابط

مجود الحفر بيت الشعر موجود مايحتاج

[سلمان الخزيم]

بيني وبينك البيوت الريفية لما يكون معها حديقة بسيطة .. تخليك تعيش حياة ثانية .. أجمل مما تتصور
وبما أنك تقول أن المكان هذا إضافي .. يعني ما راح تسكن فيه .. أنصحك فيها .. لأنها راح تخليك تعيش فيها وتترك بيتكم

هذي شركة متخصصة بهالبيوت ويمدحونها في الإنترنت كثير .. وموجودة في الرياض وجدة .. الحسين للمنازل الريفية ..
http://www.woodenhouse.biz/

شي ثاني .. زي ما يقولون "أعط القوس باريها" .. أنصحك بزيارة هالموقع:
ملتقى المهندسين العرب
http://www.arab-eng.org/vb/

بإمكانك طلب أفكار وآراء المهندسين المعماريين لاستغلال هالمساحة بأفضل طريقة وأجمل تصميم .. وبإمكانك الاتفاق مع أحدهم إن كان بمدينتك ووفر على نفسك الجهد والتعب ..

وبالتوفيق ان شاء الله .. ولا تنسى تعطينا كم صورة للمكان بعد ما تنتهي منه *_^

[:saudi:]

الله يعطيك العافية ياسلمان

وبصراحه انا ابي اسويه بعيداً عن الرسميات ويكون متنفس وفيه جماليات تفتح نفسك

واعجبتني تصاميم الحسين وانا تهمني الجودة والضمان وبكره ان شاءالله بتواصل معهم

مشكور يا سلمان

[vb3vb3]

اممممممممممممممممم

طيب اخوي شوف شرايك حطه ثيل ومع شوية رمل وتخطيط من حدائق السلطان تمام يعني حديقه كنك في الربع الخالي بس فيها ربيع مع رمل المهم مالك بالطويله

اشتر لك خيمه ام كم عمود بس كويتيه اصليه ينصح بعمودين :nice: افتح الواجهه كامه تطلع على المنظر الطبيعي اللي بتسويه اشتر حطب بس اشتر سمر حجم عائلي مره مره مره حطه قدام الخيمه من يسار وانت جالس بالخيمه حط لك وجار للضو واستمتع بالمنظر لا تنسى واجههة الخيمه مفتوحه بالكامل يعني الرواق اللي قدام لا يمنع عنك المنظر

وصدقني الطبيعه حلوه هاليومين


واذا ما اعجبتك الفكره الاولى


انصحك تشوف طراز مغربي حلو ترى المغرب حلو بنيانهم تحس ببساطه وفخامه وارتياح


ختاما تصبح على خير


بداح