السلام عليكم ورحمة الله وبركاته
انا بكتب الموضوع دا وعارف ان فيه ناس كتير مش ها يردو عليا
واحتمال كبير اخرج منه ب ولا حاجه
المهم ادخل فى الموضوع
انا اسمى محمود عبد الحميد من مصر تحديدا المنصوره مبرمج
اللغات اللى بتقنها
php + mysql + javascript + jquery + css + html + flash + as 2 + as3
ما احبش اقعد اكتب
xhtml & dhtml & html5 & css2 & css3 & php4 & php5
word & excel & power point & access & front page
وبعرف اشغل اغانى وبعرف ادون من على النت
الكلام دا بيتكتب فى السيفيهات للناس اللى مش فاهمه
بس المعروف عن سوالف انها كلها ناس فاهمه الويب ماشى ازاى
وافهم شويه فى
cms
وشوية صغننين
asp
بس يا جماعه فيه مشكله انا بحب العمل الجماعى لانه اكيد بيفيد كتير
عن العمل الفردى على الاقل تبادل الخبرات والتنافس
مش ها اقول بقا الانتاج والنجاح والكلام دا كله
بس المشكله ان مفيش ولا شخص قابلته فى المجال دا من المنطقه اللى انا
فيها او على الاقل ما سمعتش ان فيه شركه ما فى مصر عامله اجتماع مثلا
لمبرمجى الويب
وكل اللى شغال يا اما شغل فردى يا اما شغال فى شركه والشركه مقتصره على
شغلها وبس
جايز النقاط دى تكون المشكله فيها منى ما بدورش بس صدقونى انا دورت
وهدفى مش مادى هدفى انى الاقى حد فى مجالى يشجعنى اكتر
ونتبادل خبرات على الاقل حد يدلنى على الاجتماعات اللى بتتعمل لو فيه
ولا احنا دايما العرب ها نفضل كدا ؟؟؟؟
عموما دى كل امنياتى فى الحياه كتبتها فى ساعة تجلى اللى هيه الساعه 3:12 الصبح
وياريت المشرفين ياخدو الموضوع بمنتهى البساطه
ويسامحونى لو فيه اى مخالفات من ناحيتى