العوانس = الثمن

[ظبياني]

لأسف في الخليج لاتزال أرقام العوانس تتزاييد والسبب الكل يعرفه الاوهوه أرتفاع تكاليف العرس ممن سبب مشكله يعاني منها منطقة الخليج بشكل عام أود من الاخوة والاخوات المشاركه في الموضوع ووضع تصور يعالج المشكله من جوانبها المختلفة والباب مفتوح ,,,,,,,,,,,,,,,,و

[اوراق]

اعتقد ان في دوله الامارات انحلت هذي المشكله نسبيا
حيث ان الدولة حددت المهر بحيث ان ما يزيد عن المبلغ المحدد
اضافة الى انشاء صندوق الزواج علشان يساعد المقدمين على الزواج3 واخيرا اقامة الاعراس الجماعيه التى بدورها وفرت اشياء كثيره

------------------
ابجمع اوراق السنين اللي مضت و راحت يمكن تجي..

[ظبياني]

لاتزال دولة الامارات تتزايد فيها نسبة العوانس لان ليزال صندوق الزواج يقطي جزء من التكاليف والباقي على المعرس

[اوراق]

وايد اشياء غلط في حياتنا و مجتمعنا للاسف ما نقدر نغيرها كليا

[بنت_البحر]

انا اعتقد ان المشكله مو في المهور بس
صح انها من المسببات الاول بس في اسباب
ثانيه غير المهور ..

* أرتفاع المهور..
* رفض الفتيات للزواج وتعذرها بتكملت الدراسه..
* قلت نسبة الذكور عن نسبة الأناث..
*متطلبات المعيشه الذي يجدها الشاب من الصعب تحقيقها..
* السمعه السيئه..
*زواج الشاب من الاجنبيات.. وعدم وضع قانون منعهم..
* منع الفتاه المواطنه من زواج من غير مواطن..


والكثير غيرها ....


بنت البحر



------------------
أعتذار..ودمعك..والندم ماكفاك؟؟ أجرحوني..ولكن..انتهينا خلاص..

[ظبياني]

المشكلة بدت منذ ظهور النفظ الناس فكرت بالفلوس وان الفلوس تريح النفوس والعكس صحيح من يت الفلوس وحياتنا من غير طعم وزادت المشاكل الاسرية والعلاقات صارت كم عندك فلوس

[اوراق]

مثل ما اضفتي اختي بنت البحر
بس انا حابه اعلق على شي واحد الا وهو:
الفكره يلي ما خذها الشاب الخليجي عن بعض البنات المتسكعات في الاسواق من غير
ستر ولا حياء تخليه يشك في اخلاق اي وحدة حتى ولو كانت محترمه..
وهذا الشى انا سامعته من واحد عازف عن الزواج

[بنت_البحر]

يحليلنا نحن الضحايا..


عيل شو تقول يوم طلعو أشعات عن رفع المعاشات
السوق اول ماسمع بالخبر رفعو الاسعار فوق...
ويوم سألناهم ليش غالي شذي!!! قالو انتو
رفعو معاشاتكم .. نحن منو يرفع معاشنا ..


انزين.. وين رفعوا.. يعني يوم بيرفعون المعاش سيده
بيدخل جيوبكم عيل شو استفدنا نحن!!!!!

لا عيل مانبا حد يرفع معاشنا بدام السالفه شذي
بتوصل.. انزين هالكلام حق المواطنين والغير مواطنين شو بيسون
وين بيروحون حليلهم بروح معاشاتهم يالله..

بس اعتقد السوق ترفع اسعارها كل ماشافت مواطن وله مواطنه
تشتري عندهم..!!!



بنت البحر




------------------
أعتذار..ودمعك..والندم ماكفاك؟؟ أجرحوني..ولكن..انتهينا خلاص..

[ظبياني]

أعتقد لابد ان يكون في تسامح بين البشر , اقصد ليش البنت تنعاب اذا غازلة والولد يكون امره عادي , اذا الله يغفر للعباد عن كل شي ورحمته واسعه ليش البشر مايكون بينهم تسامح , وحده اخطت يعني خلاص ماتتزوج بلعكس لازم تتزوج وينسي ماضيها حتى تعتدل والى بتم على نفس الخطا اذا ماقبلنا نسامحها وهذا رايي والله غفور يحب الغفر .

[اوراق]

خلني اسالك سوال و تجاوبني بصراحه اوكي:
يوم اتشوف بنت في السوق الوجه ما شا الله لوحه فنيه واللبس الله وكيلك
راسم الجسم رسم والشيله ماشي على الراس و سماعه الموبايل في الاذن والصوت ينسار عليه والعطور حدث ولا حرج (وكل هذا حرام على فكرة)
شو تقول في نفسك عنها خلنا واقعين ؟
ترضى انك ترتبط فيها (مع اعتذاري)
اريد انطباعك الصادق..
انا عن نفسي احتقر هذى الاصناف لانها اصناف ما تخاف الله

[ظبياني]

أوراق يعني لو بقت تعتدل البنت وتستقيم مانسامحها لانها كانت تغازل وتسوي اشياء مش اوكي , انا من عائلة محافظه جداً وهل خير لاكن صدقيني لو وجدت هذي البنت حابه انها تعتدل وطلبت مني المساعدة بساعدها وبكون واقف معاها لان ادمان المغازل مثل ادمان المخدرات وهذا مرض والانسان المريض لازم نوقف معاه

[اوراق]

انا احي فيك هذي الروح الطيبة ويا ريت الشباب يتمتعون بهذي الروح
والله يهدي الجميع

[بنت_البحر]

صح .. يعني كمثال عندكم احلام
مين قال انه بترتبط...

المهم .. انا مع اوراق في وايد شباب يفكرون بنفس
الطريقه..مايحبون يرتبطون بوحده سمعتها مو زينه..

لاه ومو هذا بس.. اذا كانت البنت محترمه.. واخوها او اختها
سمعتهم في الحديد.. محد يرضي يأخذها ليش؟؟ لان اخوها كذا أو لان اختها
كذا.. ليش وشخص البنت..يقولولك لاه اذا اخوها شذي يعني هي نفس الشي
وهذا الكلام انا سامعه فيه.. واحد خطب وحده وسمع ان اختها تكلم ربيعه
قام وفسخ الخطوبه مع العلم بأن خطيبته انسانه ملتزمه..يخاف على سمعته
جدام ربيعه!!!!!





بنت البحر



------------------
أعتذار..ودمعك..والندم ماكفاك؟؟ أجرحوني..ولكن..انتهينا خلاص..

[ظبياني]

خلونا نرجع لصلب الموضوع العوانس , انا اعتقد الحل بيد شباب وشابات هذا العصر انهم يحطون ضوابط ومعايير لتكلفت العرس ويكون مقبول من الكل , ومن ثما يطالب به الشباب والشابات عن طريق وسائل العلام المختلفة داخل كل دولة من دول الخليج ويستمرون في المطالبة وصدقوني فترة من الزمن والكل بيتقبل المقترحات المعروضة من قبل الجيل الجديد الي نحن جزء منه , كلامي فيه غلاط ردو علي .

[بنت_البحر]

كلامك صح.. بعد ماصولنا شي..
لان مثل ماقلتلك هاي وحده من مسببات
العنوسه.. يعني انت حليت مسببه وحده وهي المهر
اوكي وباقي المسببات.. شو نسوي فيهم نطنشهم مثلا!!!

لاه المسأله انا قريت عنها محد وصل للحل..لازم نوسع الموضوع
اكثر ..وبعدين نحن ماطلعنا برع الموضوع نحن ندرس من جميع الجوانب
وليس من جانب واحد ...




بنت البحر

------------------
أعتذار..ودمعك..والندم ماكفاك؟؟ أجرحوني..ولكن..انتهينا خلاص..