ضغط على CPU شو السبب ؟

[uaeserv.com]

/usr/sbin/mysqld--basedir=/--datadir=/var/lib/mysql--user=mysql--pid-file=/var/lib/mysql/uaeserv.uaeserv.com.pid--skip-locking

هذا مسويلي ضغط على السي بي يو ماخذ 99.9%

شو السبب و شو هو هذا ؟

[ChatUAE]

افتح تكت عند الفاست :con2:

[uaeserv.com]

....

[T_zone]

هذا ال mysql
والأسباب كثيره ابرزها ممكن يكون عندك برنامج يعمل على القواعد في احد المواقع ومسوي ضغط كبير ..
الله يعينك لين ماتلاقيه.
ابدا شوف Show Mysql processes في ال whm وشيك وش اكثر الطلبات من وين تجي
ترا موب شرط ممكن اغلبها sleep من موقع معين بس ماتسبب ضغط.
لاتستعجل في الحكم.

اذا مافيه ولا موقع مسوي ضغط
سوي اوبتمايز لل mysql
شيك على منتدى الفي بلتن وسو بحث عن mysql optimize او شيء مشابه ودور قريب من مواصفات سيرفرك.

ترا ممكن البطيء مش من ال mysql ! مع ان هذا هو الماي اس كيول
ممكن بسبب ان المزود قاعد ينتظر رد من الهاردوير (الهارددسك) او بسبب مشكله iowait الاخيره
شيك في الشيل top وشف وش النسب عند iowait ، اذا عالي فهذي مشكله ثانية ! بس ما اتوقع لانها لاتكون في الغالب مرتبطه ببرنامج معين .

ترا يفيدك لو تشيك على اللوق حق الماي اسكيول اذا ماخانتني الذاكره في /var/log

ممكن المشكلة من الرام ....
السؤال هذا من اكثر الاسئلة تكراراً ، ومن اقلها اجابة مباشرة اعذرني لان فيه اسباب بالجمله.
ممكن انك محمل السيرفر فوق طاقته ،، الله اعلم .

هذا مالدي الآن والله من وراء القصد.

[uaeserv.com]

تسلم فديتك على الافادة بس اتوقع من الرام لان لين الحين ما زدته من اول ما خذت السيرفر

[T_zone]

يسلم غاليك والشر مايجيك ان شاء الله .
والى الأمام دائماً.

[abc1388]

Server Load 0.40 (4 cpus)
Memory Used 47.4 %



هل هذا الاستهلاك فى
Memory Used 47.4 %

كبير



لان التصفح بطيء

عندى ايضا

ونفس مشكله الاخ

[T_zone]

هلا

47 فعلاً عالي بس مش مرتفع جداً، بس قبل ماتروح ترفع الرام ، كم ال swap (السطر اللي تحته على طول ) اذا هو عالي هو الآخر ، توكل على الله ورق الميموري بس خلهم يسوون لها تشييك قبل لاتكون مضروبه (يمكن تطلع مضروبه ويفكك الله من فلوس الترقيه )

الغريب ان السيرفر لود معقول ( الا اذا كان المرة هذي بالصدفه كان قليل ) ، واستهلاك الذاكره عالي نسبياً. انت متأكد مافيه برامج مسويه مشكلة ؟ انزل في اليسار الى show current CPU usage
وشوف الرام وين رايح في الغالب ، اذا برضوا mysql اقرا ردي اللي فوق ... سو اوبتمايز قبل ماتطلب ترقيه الذاكرة .

قد يفيدك (لاحظ قد ) نسبياً لو تقفل mysql.allow_persistent تخليها Off ... هي مي مضبوطة (فعاله) الخاصية (الخيار) بس يساعد على تحرير نسبه (ولو قليله) من الذاكرة .
الخيار في php.ini وغالباً تلاقيه في /etc/
بس انصحك ارفع ملف php فيه phpinfo(); وشغله عشان تعرف بالضبط وينه فيه.
هذا لبرامج ال php و ماي اسكيول

ترى بطيء التصفح له اسباب عديدة جداً. وهو غير ارتفاع الضغط على السيرفر وإن كان ارتفاع الضغط سبب للبطيء والعكس غير صحيح ، ممكن يكون اللود اقل من 2 (في حالة الدوال زيون ) وبطيء شديد في التصفح ... لأسباب اخرى من بينها المسار الى السيرفر ، هل السيرفر تحت هجوم (هجوم على الاباتشي لايرفع اللود كثيراً، بس يصير السيرفر قمة في البطيء ) ، ممكن ال resolver اعداداته مش مضبوطة ... الخ

ممكن الخط اصلاً بطيء والمواقع كثيره ، او المواقع قليله بس اغلبها ملفات صوتيه وداون لوود ..الخ
اسباب كثيره ، انت الوحيد اللي تعرف السيرفر زين وتعرف وش اللي فيه من محتوى ، يبغالك تنبش شوي .

تحياتي والله من وراء القصد.

[ChatUAE]

اخوي T_zone
لو تعرف شلون تسوي mysql optimize لمنتديات vb
ضيفني ضروري على alzawia@hotmail.com


وشكرا
تحياتي