-
مرحبا فيكم كلكم ...
ارجوا منكم تقييم القصيده اللي كتبتها بكل صراحه وبدون مجامله
لاني ودي استفيد منكم كوني اكتب الشعر ولا اطلعه لاحد ولاني ناوي اهتم
بشكل اكثر بالشعر متمنيا ان يكون لي شأن فيه انشاءالله,,,, والحقيقه
ان عندي مجموعة كبيره من الاشعار اللي اتمنى انها تطيح بيد شاعر
متمكن لتقييمها وتوجيهي بالشكل السليم,,,
واليكم القصيده :::::
********************************************************************
(حسافه)
حسافه
صار اللي كنت اخافه
حسافه
بيني وبينه
طالت المسافه
****
صحيح ان القلوب تقرب المسافات
بس غيابك عن عيوني عيشني بآهات
وصحيح انك ساكنه بقلبي
واحيان احس انك بجنبي
بس تبين الصدق
وانتي بعيده صار كلي شتات
****
تعالي وارسمي ملامح الفرح بحياتي
تعالي واقتلي كل همومي ومأساتي
وحسسيني بكياني وذاتي
وانقذيني من حالة الضياع
واشفي كل جروحي والاوجاع
ابي اعيش حياة هنيه
وابي احلم احلام ورديه
وابيك تبادليني نفس الاحساس
ونكون اسعد اثنين بين هالناس ,,
******
-
حلوة
كم تسوا المشاعر الصادقه
الله يسعدك
-
أخي مجموعة أنسان...
ينقصك فقط الخبره البسيطه...
حاول ان تقرأ مجلات شعريه حتى تتعود على كتابتها من سياق ما قرأت
هذا ما لدي ولك مني خالص الحب....والى الأمام
------------------
لعيونك السود جيتك رافعا شاني....شيخا خذا ثار خاله من ولد عمه
-
دلال
شكرا على الاشاده ..
احساس
شكرا لك وثق اني بديت فعلا بتابعة كل المجلات الشعبيه ...
------------------
قالت من انت وقلت مجموعة انسان ***من كل ضد وضد تلقين فيني
-
عفوا لا استطيع ان اقيم بشكل قوي ومفيد وان كنت استطيع ان اقول لك بان شعرك ينقصه الوزن وهو من اهم الاشياء التي يقوم عليها اساس القصيدة ..
حاول ان تلتقي بشاعر متمكن واجلس معه حتى يجعلك على الطريق الصحيح .. ومع المتابعةوالمحاولة واعادة المحاولة ستستطيع ان تقدم شيئا على مستوى النشر ..
تحياتي لك ..
------------------
كن جميلا ترى الوجود جميلا
-
هلا الغالى مجموعة انسان
شوف ترى انت قلت تبى الصراحه ولاتلوم الا نفسك
أنا عندي خبرة بسيطة يمكن تفيدك
وخبرتي طبعا ماهي على أصول لكن خبرة تذوّق لاأكثر ولااقل
يمكن أكون مخطىء ويمكن أكون صح
تشوف كل هالمقدمه الطويله هذى وأنت تقول بصراحه
طبعا الكلام اللى ذكرته مايعتبر شعر
وهذا مو كلامي طبعا لكن كلام كثير من الادباء
بعضهم سماه الشعر النثري مجازا
وبعضهم سماه الشعر الحر لعدم تقيده بالقافية والوزن
ولكنها كلها تسميات تقريبيه وتجميليه
وفيه حوار مع الشاعر الامير خالد الفيصل عندما سؤل عن هذا الشعر فقال(أي شعر لايتقيد بالوزن والقافيه فهو ليس بشعر)
ولكن هنالك شىء يسمى في هذه الخواطر بالسلاسة واللحن.
وقد حدثت أخطاء بسيطه في الخاطرة
ولكن في مجملها تبقي خاطرة جميلة وكلمات صادقة رقيقه رغم وجود الاخطاء اللحنية فيها
فلنبدأ الآن
حسافة
صار ماكنت أخافه (كلمة اللى كسرت السلاسة هنا)
بيني وبينه
آآآآآه.....ياطول المسافه (كلمة طالت أحدثت وقفه غير مرغوبة في مجمل سياق الخاطره)
.........................................
صحيح ان القلوب تقرب المسافات (كلمة تقرّب كسرت اللحن والسلاسه)
بس غيابك عن عيوني عيشني بآهات
صحيح أنك سكنتي.....وسط قلبي...
وأحيانا أحس أنك بعد جنبي....
بس تبين الصدق
وانتي بعيده صار كلي شتات
****
تعالي وارسمي ملامح الفرح بحياتي
تعالي واقتلي كل همومي ومأساتي (هنا تستطيع أن تقول همّي وماساتي,أو همومي ومعاناتي, ولاتسألني ليش بس أحساس)
وحسسيني بكياني وذاتي (هنا تقول في كياني وكلمة غير ذاتي .عذرا فلم أجد كلمة مناسبة تؤدي نفس الدور المطلوب لكلمة ذاتي)
وانقذيني من حالة الضياع (هنا كلمة حالة في غير مكانها لصعوبتها ووجود وقفة فى آخرها,قد تكون وانقذيني من ذهولي والضياع)
واشفي كل جروحي والاوجاع (لااعلم ماهو الخطأ هنا ولكن فيه شىء غريب)
ابي اعيش حياة هنيه
وابي احلم احلام ورديه
وابيك تبادليني نفس الاحساس
ونكون اسعد اثنين بين هالناس ,,
الابيات الاخيره لم أستطع أن أكمل تصحيحها لأن النوم بدأ يناديني
مجموعة انسان
أنت قلت بصراحه
وأنا قلت الصراحه
وبدون زعل دير بالك
وترى كل كلامي ممكن يكون غلط في غلط لأن ماعندي قواعد وأصول النقد بس وجهة نظر يمكن تفيدك لااكثر ولاأقل
تحياتي لك الغالى
------------------
أحب الصدق وأعمل به كسبته وكنت أنا الخسران ** ولو صدقي يخسرنى تشرفني خساراتي
-
صراحه مجموعة انسان وانت طلبتها قصيدتك مكسوره
لووووووووووووووووووووووووووووووووووووووووووووووول
بيني وبينك ما افهم بالشعر بس كلماتك حلوه ....
اتمنى لك التوفيق .....
------------------
انا مو اول ولا اخر حبيب .. في النهايه مع حبيبه يفترق
من متى صابت معي حتى تخيب .. البخت وياي عمره ما صدق
-
شكرا لك اخي ابو يوسف
بس هذي القصيده ماهي نبطيه عشان تكون مكسوره !!!!
هذي قصيده حره ,,, وثق اني فعلا ودي اجتمع بشاعر عشان استفيد منه
بس وينه؟؟؟؟؟
------------------
قالت من انت وقلت مجموعة انسان ***من كل ضد وضد تلقين فيني
-
رومانسي 25
شكرا قبل كل شيء ....
اولا اقولك اني اختلف معك بالنسبه بالشعر الحر وانه ماهو شعر حسب قول
الادباء وهو فعلا صار عليه جدال من الادباء وشعراء النبط والفصحى انه
يعتبر نثر وخواطر لكن بالاخير اثبتوا انه شعر وعلى العموم يعتبر فن
جديد ... وانا ما اذكر ان خالد الفيصل قال هالكلام وبعدين كيف يقول
هالكلام وهو يكتب الشعر الحر مثل قصيدة(ياغايبه الا عن الخاطر) !!!
وهل تعتقد ان بدر بن عبدالمحسن والا عبدالرحمن بن مساعد مثلا ما يعتبر
اللي يكتبونه شعر وهم اكثر ما يكتبون الشعر الحر وخذ مثلا(ابعتذر,البرواز,
صوتك يناديني,يسعد صباحك,مجنونها,دخون) كلها اغاني ناجحه ومن اشهر
اشعارهم...
بالنسبه لتوضيح جانب الضعف بالقصيده اتمنى انك تكون واثق هو صحيح والا لا
ويمكن يكون فيها عيوب لحنيه فعلا وعلى العموم قريبا يمكن التقي بشاعر
له اسمه عشان يوجهني بالشكل السليم ..
وابيك تثق اني تقبلت نقدك وبصدر رحب واتمنى انك تقتنع بكلامي وزي ما
يقولون اختلاف وجهات النظر ما يفسد للود قضيه
سعيد جدا بردك يا عزيزي ..
------------------
قالت من انت وقلت مجموعة انسان ***من كل ضد وضد تلقين فيني
-
سلطان نجد
يكفيني انك تكرمت وقريتها واعتبره شرف لي انها عجبتك
------------------
قالت من انت وقلت مجموعة انسان ***من كل ضد وضد تلقين فيني
-
مجموعة إنسان
بصراحه أنا( مييييح) في الشعر والنثر يعني ما أقدر أقيمك عزيزي
بس الله يعطيك العافيه على الكلام الحلو اللي كتبته مهما كان المهم حاولت
تكتب شي حسّيت فيه...
وبصراحه هذا شي جميل في حد ذاته
وجهة نظر
تحياتي لك
------------------
والله شرايكم
-
بحريني
كلك احساس وذوق حبيبي
مشكور
------------------
قالت من انت وقلت مجموعة انسان ***من كل ضد وضد تلقين فيني
-
مجموعة انسان
بصراحة روعة ومعناها أروع
تقبل تحياتي
------------------
مبدأ كنت أعرفه زين واحسب دايم حسابه من يلعب على الحبلين يخسر أقرب أحبابه
-
هلا مشاعر
شكرا من كل قلبي على اشادتك ..
------------------
قالت من انت وقلت مجموعة انسان ***من كل ضد وضد تلقين فيني
فيني نهار وليل وافراح واحزان***اضحك ودمعي حاير وسط عيني
-
مجموعةانسان ..
العفو أخوي انت طلبت رأينابصراحه وهذا احنا قلناه
بس الشكر يكون لك على هذي القصيده الحلوة
تقبل تحياتي
------------------
مبدأ كنت أعرفه زين واحسب دايم حسابه من يلعب على الحبلين يخسر أقرب أحبابه
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
أضف موقعك هنا |
اضافة محتوى فريد لموقعك
