بسم الله الرحمن الرحيم و الصلاه و السلام على رسول الله صلى الله عليه و سلم .
اما بعد : لا تؤاخذونى لأنى سوف اتحدث باللغة العامية المصرية !!!
بس جد الموضوع خطير و يجب ان يكون له وقفة ,,,
تعبنا والله من كل يوم تطوير برنامج - تصميم برنامج - واجهة بسعر مغرى ,, تعبنا والله يا اخوانى و يجب علينا ان نحدث نهضة كبيرة فى بلدنا ,, الموضوع هذا ليس للمصريين فقط و لكنه لكل عربى ..
لماذا لا نحلم ؟؟؟
لماذا لا نحلم بإنترنت عربية ؟؟
لماذا لا نحلم بأن يكون افضل موقع على الانترنت عربى ؟؟
لماذا لا نحلم بأن يكون افضل مصمم على الانترنت عربى ؟؟
لماذا لا نحلم بأليكسا عربية ؟؟
لماذا لا نحلم بدومينات باللغة العربية ؟؟
يا جماعة الحلم مش بفلوس والله !! تعالوا كلنا نحلم
موضوعى اليوم للمصرين لأنهم هم اهل بلدى و استطيع ان ابدأ بهم ,, مين جاهز معايا يا جماعة ؟؟
الموضوع مش سهل :: الموضوع هو (((( محو أمية الانترنت فى مصر )))
لازم كلنا نتعلم و نعلم و نصمم مع بعض و نتعامل مع بعض و انا لما فكرت بصراحة لقيت شىء مهم جداً هوة دة اللى لازم يحصل ..
.................................................................
إلى كل مصرى على منتدى سوالف :::
ان شاء الله انا مسافر السعودية فى 1\8 و راجع فى 15\8 ان شاء الله
انا فكرت فى موضوع جميل جدا و اعتقد ان الكل يوافقنى ان شاء الله
لية التعامل بيينا يكون على الانترنت فقط ؟؟
لية منتقابلش فى مكان معروف و نتحدث فى امور الانترنت و كيف يكون انترنت مصر فى عام 2010 ؟؟
لازم نفكر مع بعض و نكون حلم كبير مع بعض و نصمم مع بعض و نتعاون مع بعض لأن من هنا اكيد هييجى الابداع .
العمل الجماعى افضل بكثير و خصوصا ان كان هذا العمل إبتغاء وجه الله تعالى
يا جماعة مين جاهز معايا من المصريين ان شاء الله نتقابل فى يوم نحددة بس يكون بععد 15\8 عشان اكون جيت و نكلم كل اصدقائنا من المصممين و المبرمجين و نتقابل و نطرح الموضوع من اجل تطوير الانترنت و المواقع المصرية .
لازم نتقابل و نتكلم و نعرف أية اللى نفكر فية
انا معايا 5 اصحابى او 6 كلهم مصممين و منهم مبرمجين و ان شاء الله متفقين على الفكرة
احنا يا جماعة هنقابل ربنا يوم القيامة و هيقولنا عملتوا اية للأمة الاسلامية !!
مش شرط نصمم موقع اسلامى المهم التعاون و نعلم الناس و نجمع بعض و كل اللى عندة فكرة يقولها و يكون الممقابلة دة كل اسبوع مثلا .
انا ان شاء الله اول ما اعود من السعودية ذاهب لتعلم لغة php فى مايكروسوفت فى مصر و ان شاء الله مش ناوى اتعلم اللغة دى عشان نفسى
انا عايز اعلمها لكل الناس و كل الأمة الاسلامية لأن دة من مصلحة الأمة كلها و من مصلحتى يوم القيامة و خصوصا ان يكون العمل خالص لوجه الله الكريم .
........................................
اسف انى طولت عليكم لكن الموضوع دة لازم يدرس فى كل الدول العربية و كل مصمميها يتقابلوا و يتفاهموا و ان شاء الله الابداع قريبا والله
.....................................
للأخوة الموجودين فى مصر : مطلوب ردكم على الموضوع و ان شاء الله تحديد يوم للمقابلة .
......................................
والله يا جماعة زمان لما كان عندى دىجى شات كنت بقايل الاعضاء اللى فية و الزوار و الماستر و كدة بس ساعتها كننا بنتقابل عشان شىء لا يرضى الله ,,,,, لية بقة منتقابلش فى شىء يرضى الله تعالى ؟؟؟
فكروا يا جماعة : والله لازم نحلم و لازم نتقابل عشان نحقق
والله المستعان