ebay

[addons]

السلام عليكم ورحمة الله وبركاته

اخواني ارجو التكرم وافادتي عن هذه الشركة لأني اود ان اشتري سياره عن طريقهم

هل هي شركة مضمونه ولا لأ لأن المبلغ ليس بالقليل بحدود 80 الف دولار

وانا انتظر الجواب

تحاتي لكم

اخوكم ابوفهد

[IT4Arab.Net]

يعني تبي تعلمنا انه عندك 80 الف $



انا سمعت انه الشركة معروفة كثير بس احيانا يصيرون اصحاب السلع نصابين


يعني رح معارض النسيم احسن لك

[addons]

والله عندي ولا موعندي هذا شي مايخصك يا ترد على قد السؤال ولا ورنا عرض اكتافك

وبعدين السياره الي ابيها سعرها اكثر من 100 الف دولار بالوكاله يا مستر فلسفه وحصلتها فرق اكثر من 20 الف دولار

وبعدين يا ليت ياشباب الي يبي يرد رد سخيف مثل صاحبنا هذا لا يكتب لأني راح ارد عليه

وبعدين الـ80 الف على فكره قرض

تحياتي للشباب المحترمه

اخوكم ابوفهد

[IT4Arab.Net]

ياحبكم للفشخرة

يعني تروح تتسلف اكثر من 80 الف دولار وانت حافي منتف عشان تشتري موتر

لو احد قالك اعرس قلت مابي اتسلف


مد لحافك على قد كراعينك وخل عنك الفشخرة الي منتب قدها

وعلى قولة المثل المصري لاتناظر لفوق عشان ماتنكسر رقبتك!!

مو خوف على رقبتك لا والله بس يمكن ماتلقا احد يسلفك حق الجبس :funny:

[addons]

رووح بابا اللعب بعيد

وعسى الله يسلم الحكومه وشيوخنا

موفرين لنا كل شي يالله من فضلك

وعسى الله يعز الكويت امين اخذ المبلغ الي ابيه وبضمان معاشي ولله الحمد وارده لهم اقساط على اقل من مهلي

قلت لك بابا رووح نام يالله

تحياتي لكم

[LobbyHost]

بوفهد ..
هالموقع الصراحة مااضمنه لك ... بس عندي موقع ثاني اضمنه لك 100%
www.escrow.com
ووظيفة الموقع هذا تحويل الفلوس لهم ... وهم يقومون باللازم ... يعني اول ماتوصل لك السيارة يعطونه الفلوس ..

انا مجربه وفوائدهم قليلة

[host-land.net]

السلام عليكم يا شباب
الله يهديك lamborghini الريال يبي يسال سوال و جعد تتمصخر عليه

اخوي ebay موقع ممتاز بس يعتمد علي نوع الريال الي راح تشتري منه اذا ممتاز ولا لا و الافضل انك لما تشتري تشوف عدد الفيد باك مال البائع يعني الناس الي اشترو منه اكثرهم يمدحون فيه ولا لا , و 80 الف معناه انت راح تشتري سياره مرسيدس او شيء غالي فلازم تكون متاكد و في مصاريف شحن شوف اذا هو يقبل الشحن للكويت ولا لا و بالسبه لاقتراح الاخ LobbyHost مو كل البائعين يقبلون هالطريقة , وانا اتعامل مع ebay كل يوم لان عايش بكندا فاذا تبي اي مساعده تقدر تراسلني علي الماسنجر او ايميل علي
sales@host-land.net

[ابوظبي اليوم]

اخوي شركة ايبي هذي شركة كبيره و مضمونه و هذي اطلع مليارات في السنه .
و اعرف وايد اشخاص اشترو عن طريق ايبي و خاصتا اللي عايشين في الدول الاوروبيه يشترون عن طريق ايبي .
و بعدين اخوي شركة ايبي ما بتشوه سمعتها علشان 80 الف دولار .


و يا اخوي ترا مرات تكون السياره مسروقه و يعرضون السياره قبل ما تنسرق و لما تشتريها يسرقونها نفس اليوم و يرسلونها لك و هذي السالفه مستويه لواحد اعرفه شاف سعر الموتر رخيص و اشتراه و بعدها طلعت السياره مسروقه و عرفو من رقم الشاصي في المرور .
فيا اخوي اتاكد اكثر قبل ما تشتري الموتر .

[SHAGY4HOST]

اهلا بك اخي

شركه ebay ليست شركه بال معرض مثل سوالف

وهي لا تتحمل مسؤلية اي بيع او شراء

وكل شخص يعرض سلعته

في النظام الاجنبي يمكنك استخدام نظام الوسيط

وهو ان ترسل ل شخص النقود ومن ثم يرسل لك الرجال السيارة ومن ثم يرسل هذا الشخص النقود للرجال بائع

وشكرا لك

واتمنى لك التوفيق اخي العزيز